Brenn- unn Feierholz Wagner



Hallo, isch wollt Eisch hier emmol mei Brenn- und Feierholz-Seit vorstelle.
Da ma joo all Saarlänner sinn, kann mei Webmaschter (mei Fraa) es sich´s joo leicht mache unn die Seit uff saarlännisch schreiwe.
Fir die, die´s nett lääse kenne, geebt´s doo die Iwwersetzung.

Übersetzung ins Hochdeutsche


Ei was soll isch eigentlich erzääle ?
Ehrlisch geesaat bin isch joo immer froo, wenn es e kalter Winder geebt, dann hann Ihr all es kalder Bobbes unn isch kann mei Holz gutt verkaafe.
Da hat zwar de Noodäähl, dass mei Fraa ach kalt hat (und die brennt ebbes weg dehemm, dass kann isch Eisch saan !), awwer mir hann jo genuch.....
Isch woohne mit meiner Familisch im Oschderdaal, direkt an de Oschder. Mir hann e grosser Gaaarde, wo isch mei Holz hinnleehe kann, damit es gutt trokkelt.
Meischdens schaff isch alleen, weil sich dehemm alles vor´m schwere hewe drikkt.
Wenn´s dann moll knapp werd, helft mei Fraa unn manschmool annoch die Kinner. (die wolle nadierlich aach was von meine Innnahme hann, desweeé mach isch´s liewer selwer.
Eigentlisch schaff isch in Hombursch uff de Uni, awwer manschmoll kann isch die alde Hinnere, die isch do immer putze muss, nimme siehn.
Unn weil mir sowieso alles hann, fier Holz ze mache, hann isch mei Stunne uff meiner Awwet wenischer gemacht unn hacke liewwer e bisje Holz im Wald.
Nadierlisch hann isch mei Geschäft aach angemeld beim Finanzamt in Neinkeie. Bin jo schliesslich kee Schwarzarbeiter. (wenn isch mich aach manchmol schwarz eiere muss iwwer die).
Do kenne na mo gugge, was isch e topmodernes Biero hann:



Ommends, wenn ma mei Famillisch uww de Wegger geht, huck isch mich in de Keller unn tippe alles mit eenem Finger in mei Läptopp erinn.
Das dauert zwar e bissje, awwer isch kann misch jo dodebei gudd verdrigge... :-)
Wenn isch emoole zwee Woche nett an dem alde Kaschde war, wees isch nimme, wie das Ding angeeht unn isch muss mei Fraa ruufe.
Die meckert dann immer mit mir, weil die jo im Wohnzimmer e´werklisch greeserer Compjuder steehn hat unn do unne bei mir im Keller immer kalde Fies kriedd.
Fier es Holz hoole se geehn, hann isch e Unimog, der hat voorisches Joohr e anner Maschin kridd (e halb Joohr hat das gedauert, bis die drinn war) unn jetzt hat der rischtdisch Damp unner de Haub.
Was glaawe Ihr, was mei Aldi dehem gemeckert hat. Awwer isch hann misch daab gestellt. E Haufe Geld hat´s mich joo schon koscht, das kann isch awwer net zugewwe, sonscht flatscht se misch noch.
Säe dunn isch mit ne Traktor-Wippsää und gepalt werd´s aach mit nem hydraulische Spalter.
Fier die Sää hann isch meiner Fraa ihr Porsche kassiert. Mit dem iss se vor zwee Johr immer durchs Dorf gejaggert. Isch hann jetzt die Maschinn dranhänge, do macht se ma wenischtdens kenn Bleedsinn me demit.
Doo kenne na mool mei Unimog unn meiner Fraa ihr Trakdor angugge:

hann jetzt noch kenns, doo iss mool Ersatz so lang


Unn jetzt zum geschäftlische:
Also bei mir krinn Ihr iwwerwischend Bucheholz, trogge zum gleisch brenne. (ess hat dann unner 20% Feischdischkeet.)
Es iss gespalt und die Schnittlänge misse Ihr miir saan, dass mach dann wie naars brauche..
Isch verkaafe kee Schittmeter, sondern bei mir leit ess Holz uff de Meder-Reih´unn isch messe es dann ab.
Damitt sich das fahre fier misch aach rendiert, verkaaf isch es immer in 3-Meter-Ture. (3 Meder gehn uff die Ladefläsch vom Mog)
Wenn´ner mee brauche, dann gehn uff mei Anhänger nochemool 3 Meder druff.
Wenn´s dann als noch net langt, komm´isch halt nochemool gefahr.
Damit isch e bissje plane kann, duun Ihr Eisch am beschde iwwer´s Joor anmelle, sonst kanns passiere, dass isch nett genuch troggenes zum verkaafe hann.
Es letscht hat misch e Fraa in Wiwwelskeie an de Ampel angehall unn wollt mei Holz hann, was isch graad am ausliwwere war.
Isch bin beinah aus emm Unimog gefall (wisse Ihr, wie hoch das Ding iss?) unn de ganz Verkeehr hann ma ach uffgehall.
Aanrufe kenne na misch dehemm uff de Nummer:

06858 - 8768
oder uff emm Händy:
0172 - 6969 063


Koschde duut de Meder 70 Euro unn liwwere duun isch im Umkreis von Ottweller, Neinkeie, Betschbach, Hombursch. Ihr sieen joo aach, ob neer noch halbwegs in de Näh von mir wohne.
Leider sinn die Preise fier´s Holz und de Sprit so uffgeschlaa, dass ich eisch so viel Geld abkneppe muss.
Awwer ich hoffe, dass ihr versteehn, dass ich das nett vier Langeweile und aach nett mache, dass ihr e´warmer Bobbes und ich nur Kreizweh hann..
dann schlaad ma mei Aldie ach noch uff de Kopp !!